نعـــم أحبك ولآعلًيٍ بأهمآآآالك ( سعٍيدً بن ًمآنًع )~ٍَ

نعـــم أحبك ولآعلًيٍ بأهمآآآالك ( سعٍيدً بن ًمآنًع )~ٍَ

شآعر اشتهر من البرنآمج الشهير ( شآعر المليون ) لكن لم يحآلفه الحظ فيه
اشعآره تشد الانتبآه وهو لم يتجآوز الـ 23 من عمره
من الوآديين بالمنطقة الجنوبيه مقيم بالمنطقة الشرقية

ألقآبه
لسآن شعآر الجنوب ، الحد الجنوبي

رمزيآت للشآعر /





بعض من قصآئده




قصيدة ياقابر احساسي


ياقابر احساسي ؟ تملت مقابرك
يعني لأني مانهيتك ولا بحت ؟
للحين وانته ماتخلي مكابرك ؟
وللحين في ليلة غرورك ولا أصبحت ؟
لقّيت لكفوف المشاريه صابرك
وقفّيت لكفوفٍ تواسيك لا صحت
وأغلقت عن حوض المواصل صنابرك
وأجدت في صخر الجفا روعة النحت
تجرح وانا اللي بعد هذا ؟ أجابرك
آسف حبيبي يوم منك تجرحّت
مظاهرك لو هي مرآية مخابرك ؟
ان كان قد قفّيت منك وريّحت
ريشتك ؟ وش تسوى بليا محابرك ؟
وعيشتك ؟ وش تعني بدوني \ إذا أفلحت ؟؟
الحل بيدك وانت تعرف معابرك
وافراقنا نتايجه خايبه بحت
اروح منك ؟ كيف وانا اللي خابرك
تنوح وارجع لك برحمه اذا نحت
تروح مني ؟ رح مانيب جابرك
وياكثر مابفقد خفوقي اذا رحت






الهنوف


الهنوف الساكنه بين الضلوع المنحنيه
والله إن تبطي وتبطي ماتناحت عن سكنها
إهنفت قلبي بلا ميعاد بالعين البريه
وأرحلت عني بلا ميعاد ويل القلب منها
خابرنها من لدود العين خفره مستحيه
وخابرنها مهرةٍ ياصعب تجويدة رسنها
وخابرنها من حلاها ماأتركت لأحدن بقيه
كنها بعرش الحلا متربعه تآمر وتنها
وخابرنها لاتثنّت ؟ أرسم بلوحه بهيه
ثمرتينٍ ناضجه من نضجها ميّل غصنها
وخابرنها تحبني وتشتاق لي وتحن ليه
وخابرنها خابرنها والله اني خابرنها
ليه خلتني معرّض للرياح الموسميه
وليه خلتني بلا علم بمرابعها ووطنها
قبل آنا لامن حزنت القى من يهون عليه
وعقبها أحزاني يتيمه مالقت من يحتظنها
واوجودي وجد من نص العزا عيد الضحيه
آتوجد وآتكتم لكن العين إتعلنها
اشهد بإن الوفا في شخص ماعاملك زيه؟
مثل من خلا فرايضها ويهتم بسننها
اسنتينٍ منها والشوق ناره مصطليه
وغلطةٍ منها وانااللي للأسف دافع ثمنها
أنتظر مرسالها والإنتظار أكبر بليه
ولا لفا مرسالها من يوم ماقفّا ضعنها
بس تبقى ساكنه بين الضلوع المنحنيه
لو نحت عن ناظريه ماتناحت عن سكنها
عادتي لامن حملت لشخص حب ومقدريه؟
لو تناسا مانسيته .. عادةٍ ماأجوز عنها





دوآ الضيقه


والله إني ضايقٍ والصدر بالهم إمتلا
والغبون اتجر وسطه ياعلي موّالها
ماهي ضيقة عاشقٍ يشكي فراق أم الحلا
ولاهي ضيقة فقر ولا دين ولا امثالها
والله إلا ضيقةٍ لو هي توزع عالملا
كان تكفيهم ويبقى مثلها وأدبالها
والسبب في ضيقتي بعض العرب ؟ ولا بلا
خلني ساكت وربك ياعلي حلالّها
غير تدري وش دواها يازبون اللي انجلا؟
لا إنقطع عن أجهزتنا برجها وارسالها
الخلا يابن عجي إي والله انه الخلا
هو دوا الضيقه وهو حلال عقد حبالها
ماحلا دق العصب في كل راس .. وماحلا:
الجنابي في عروض مخضبين سلالها
وماحلا طوي المسافات الطويله بالفلا
لين ننزل عند واديها وبين جبالها
وماحلا نص العمود وماحلا شب الصلا
والدلال الصفر ذات الكيف صف بجالها
وقام شفرة قومه الوافي بها ومد (اشهلا)
وعدلت روس النشاما ماحوا فنجالها
النشاما اللي ليامن جيتهم قالوا: هلا
من خواطر صافيه تنبان بإستقبالها
المطاليق الصقور اللي مواكرهم على:
راس نايف والطمان تشوم عن منزالها
وجلستهم على طيب ونقا قلب وغلا
والسوالف والعلوم الطيبه واجزالها
والسمان من القصيد اللي من الهزله خلا
وعقبها لعب اقحطان اللي يجمّل حالها
قزوعي والقزوعي من دون طبلٍ يطبلا
مابه الا صوت خبط القاع وصوت رجالها
لعب هيبه العبوه اجدودنا من اولا
فالحرايب عقب مالعدوان تلقى فالها
ياعلي طالبك هيا ياعلي صوب الخلا
ودي اسلا لعنبو الدنيا على آبوريالها






نعم أحبك


من قيض دنياي جيت أدوّر ظلالك
وأرتاح من عقب ماأشقتني مسافاتي
هالك وضامي مشاعر والبدن هالك
يايبس ريق الخفوق .. وقل حيلاتي
واللي جعلني بلا تفكير أسعى لك
أني لأحسدك على صبرك بغيباتي
ياقو قلبك .. أقل القول : وش حالك ؟
شحيّت .. وش عاد لوني قلتلك تاتي
هبتني أشواق لك .. وأرسيت في جالك
وبالفعل الأشواق تجري عكس مشهاتي
لوهو بيديني أبد والله ماأعنا لك
لكن شوقي فضح قلبي بنظراتي
جيتك مجمّع حكي من يوم ترحالك
وصوّخ اذانك لصوتي وإسمع الآتي
ماأبدن سئمتك .. ولا ببدل إبدالك
به حي قد قال لك سئمت نبضاتي ؟
نعم أحبك .. ولا عليّ بإهمالك
وإن كان حبك غلط .. ياحلو غلطاتي
هذا أنا ياحبيبي .. بآأترضا لك
من يوم قفيت .. وانا العله بذاتي
قفّيت بالحالك أبدن مانت بالحالك
خاوتك فرحة خفوقي وإبتساماتي




وهو أيضاً صآحب صوت عذب

دمتم بخير
منقول

مشكور اخي الفاضل على مواضيعك الرائعة بانتظار جديدك
دمت بخير

شكرا اخوي على موضوعك الطيب

شكرا اخوي الغالي على مواضيعك الرائعة بانتظار جديدك